Hai Kahan ka Irada Tmhara Sanam Lyrics in Urdu font

 آج کی بات پھر نہیں ہوگی یہ ملاقات پھر نہیں ہوگی

ایسے بادل تو پھر بھی آئیں گے ایسی برسات پھر نہیں ہوگی

رات اُنکو بھی یوں ہوا محسوس جیسے یہ رات پھر نہیں ہوگی

اِک نظر مُڑ کے دیکھنے والے کیا یہ خیرات پھر نہیں ہوگی

شبِ غم کی سحر نہیں ہوتی ہو بھی تو میرے گھر نہیں ہوتی

 زندگی تُو ہی مختصر ہوجا شبِ غم مختصر نہیں ہوتی

رازداروں سے بچ کے چلتا ھوں غم گساروں سے بچ کے چلتا ہوں

مجھ کو دھوکہ دیا سہاروں نے اب سہاروں سے بچ کے چلتاہوں

میں نے معصوم بہاروں میں تمہیں دیکھا ھے

میں نے رنگـین نظاروں میں تمہیں دیکھا ھے

میں نے پرنور ســـتاروں میں تمہیں دیکھا ھے

میرے معبود تیری پردہ نشینی کی قسم

میں نے اشکوں کی قطاروں میں تمہیں دیکھا ھے

ہم بتوں کو جو پیار کرتے ہیں

نقلِ پروردگار کرتے ہیں

اتنی قسمیں نہ کھاو گھبرا کر

جاوّ ہم اعتبار کرتے ہیں

اب بھی آجاو کچھ نہیں بگڑا

اب بھی ہم انتظار کرتے ہیں

سازِ ہستی بجا رہا ہوں میں

جشنِ مستی منا رہا ہوں میں

کیا ادا ہے نثار ہونے کی

ان سے پہلو بچا رہا ہوں میں

کتنی پختہ ہے میری نادانی

تجھ کو تجھ سے چھپا رہا ہوں میں

دل ڈبوتا ہوں چشمِ ساقی سے

مے کو مے سے ملا رہا ہوں میں

نہ ہم کچھ سمجھے نہ تم آئے کہیں سے

پسینہ پونچھیے اپنی جبیں سے

ہے کہاں کا ارادہ تمہارا صنم کس کے دل کو اداؤں سے بھلاؤ گے

سچ بتاؤ کہ اس چاندنی رات میں کس سے وعدہ کیا ہے کہاں جاو گے

دیکھو اچھا نہیں ہے تمہارا چلن یہ جوانی کے دن اور یہ شوخیاں

یوں نہ آیا کرو بال کھولے ہوئے ورنہ دنیا میں بدنام ہو جاؤ گے

آج جاؤ  نہ بے چین کر کے مجھے جان جاں دل دکھانا بری بات ہے

ہم تڑپتے رہیں گے یہاں رات بھر تم تو آرام کی نیند سو جاؤ گے

پاس آؤ  تو تم کو لگائیں گلے مسکراتے ہو کیوں دور سے دیکھ کر

یونہی گزرے اگر یہ جوانی کے دن ہم بھی پچھتائیں گے تم بھی پچھتاؤ  گے

بے وفا بے مروت ہے ان کی نظر یہ بدل جائیں گے زندگی لوٹ کر

حسن والوں سے دل کو لگایا اگر اے فنا دیکھو بے موت مر جاؤ  گے