Sochta Hu k Wo Kitne Masoom They lyrics Urdu font

جانے والے ہماری محفل سے چاند تاروں کو ساتھ لیتا جا

ہم خزاں سے نباہ کر لیں گے تُو بہاروں کو ساتھ لیتا جا

اچھی صورت کو سنورنے کی ضرورت کیا ہے

سادگی میں بھی قیامت کی ادا ہوتی ہے

تم جو آجاتے ہو مسجد میں ادا کرنے نماز

تم کو معلوم ہے کتنوں کی قضا ہوتی ہے

کوئ ہنسے تو تجھے غم لگے ہنسی نہ لگے

کہ دل لگی بھی تجھے دل لگی نہ لگے

تو روز رویا کرے اُٹھ کے چاند راتوں میں

خدا کرے تیرا میرے بغیر جی نہ لگے

تنہائ میں فریاد تو کر سکتا ہوں

ویرانے کو آباد تو کر سکتا ہوں

جب چاہوں تمہیں مِل نہیں سکتا لیکن

جب چاہوں تمہیں یاد تو کر سکتا ہوں

کوئ بھی وقت ہو ہنس کر گزار لیتا ہوں

خزاں کے دور میں عہدِ بہار لیتا ہوں

گُلوں سے رنگ، ستاروں سے روشنی لے کر

جمالِ یار کا نقشہ اُتار لیتا ہوں

اُس کے نذدیک غمِ ترکِ وفا کچھ بھی نہیں

مطمئن ایسے ہے وہ جیسے ہُوا کچھ بھی نہیں

اب تو ہاتھوں سے لکیریں بھی مِٹی جاتی ہیں

اُس کو کھو کر تو میرے پاس رہا کچھ بھی نہیں

کل بچھڑنا ہے تو پھر عہدِ وفا سوچ کے باندھ

ابھی آغازِ محبّت ہے گیا کچھ بھی نہیں

میں تو اس واسطے چپ ہوں کہ تماشا نہ بنے

تُو سمجھتا ہے مجھے تجھ سے گِلا کچھ بھی نہیں

سوچتا ہوں کہ وُہ کتنے معصوم تھے

کیا سے کیا ھو گئے دیکھتے دیکھتے

میں نے پتھر سے جن کو بنایا صنم

وہ خُدا ھو گئے دیکھتے دیکھتے

جِن پتھروں کو ہم نے عطا کی تھی دھڑکنیں

وہ بولنے لگے تو ہمیں پر بَرَس پڑے

میرے ہاتھوں سے تراشے ہُوۓ پتھرکے صنم

میرے ہی سامنے بھگوان بنے بیٹھے ھیں

حشر ہے وحشتِ دل کی آوارگی

ہم سے پوچھو مُحبّت کی دیوانگی

جو پتہ پوچھتے تھے کسی کا کبھی

لاپتہ ہو گئے دیکھتے دیکھتے

ہم سے یہ سوچ کر کوئ وعدہ کرو

ایک وعدے پہ عمریں گزر جائیں گی

یہ ہے دنیا یہاں کتنے اہلِ وفا

بےوفا ہوگئے دیکھتے دیکھتے

دن چھُپ گیا سورج کا کہیں نام نہیں ہے

اَے وعدہ شکن اب بھی تیری شام نہیں ہے

شبِ وعدہ یہ رہا کرتی ہیں باتیں دل سے

دیکھیَے یار آتا ہے پہلے کہ قضا آتی ہی

کل سے بےکل ہوں میں بھلا خاک مجھے کل آئے

کل کا وعدہ تھا، نہ وہ آج آئے نہ وہ کل آئے

روز کا انتظار کون کرے، آپ کا اعتبار کون کرے

ہو چکا وعدہ کہ کب آیئے گا، دیکھیئے اب نہ بھول جایئے گا

بھلا کوئی وعدہ خلافی کی حد ہے

حساب اپنے دل میں لگا کر تو سوچو

قیامت کا دن آ گیا رفتہ رفتہ

 ملاقات کا دن بدلتے بدلتے

ہم سے یہ سوچ کر کوئ وعدہ کرو

ایک وعدے پہ عمریں گزر جائیں گی

یہ ہے دنیا یہاں کتنے اہلِ وفا

بےوفا ہوگئے دیکھتے دیکھتے

غیر کی بات تسلیم کیا کیجیئے

اب تو خُد پر بھی ہم کو بھروسا نہیں

اپنا سایا سمجھتے تھے جن کو کبھی

وہ جُدا ہو گئے دیکھتے  دیکھتے